اشغال يدويه من إيدي

السلام عليكم ورحمة الله وبركاته
اطرح مابين ايديكم شي من عمل إيدي

طبعاً مجسمات بسيطه والبعض فخمه اشوي اوب واجد
وكل شي من تفكيري مش مسروق من احد

المهم اخليكم مع الصور

طبعاً هذا حق ولادة اختي

وهذا بعد بس هذا كان اول شي اشغل فيه
تقريباً من الساعه 4 العصر إلى الساعه 10 ونص في الليل تعبني اشوي
بس فدوه لعيون مريوم النونو

هذا حق عيد ميلاد صديقته اختي من عندي
حبيته يكون خفيف والشغل يكون فيه هم خفيف وناعم لاني ماحب الدفاشه الزايده

وهذا حق عيد زواج
طبعاً عيد زواج اختي نهاية ربيع
وهذا اهي بتعطيه زوجها وكله عطورات داخل ماكو حشوه ولاشي

زووووووم قريب

هذي هدية عيد ميلاد بنت اخوي بتعطيها صديقتها
نفس الشي حبيتها تكون خفيفه وناعمه
بس طلعت اشوي دفشه والسبب العلبه اشوي كبيره على الطقم

زووووووم قريب

هذي هدية عيد ميلاد صديقتي
وطبعاً ماحب اعطي ربعي شي جاهز من برا
احب اتعب فيه بيدي واحس اني عطيتهم من قلبي مو شي والسلام

طبعاً يحتوي على
الارضيه بنطلون بيج وفيه شكل السحابات او الي سمونهم جرار
والعلبه الورديه الصغيره فيها سلسال مكتوب فيه ماشاء الله
عطر الي ماسكه الدوب
حلق كرستال مو اصلي طبعاً
والمجسم من فلين

طبعاً هذا كله شغلي
وعندي اشغال قديمه بس مودري وين وديتهم

دمتم

..

فترات من جوانب الحياة:~ْ

فترات من جوانب الحياة:~ْ

سأضع ما هو في مخيالتي

"اظنك فهمت "

خطوة ....خطوة

نحو القرن الواحد والثلاثين

في اقصى زاوية من غرفتكـ

ضع لك كرسي وشاهد التلفاز

وخذ ورقة وقلم وسجل(الموضات)

من الاعلانات

ثم قم واخرج ولا تنسى الورقه!

وادخل اول متجر يقابلك

واشتري ماتريد من ملابس

ولا تنظر الى لونها وشكلها!

فالمهم علامتها التجاريه

المطابقة للعلامات المسجله في الورقه..

وقبل ان تخرج من المتجر

لا تنسى ان ترتدي الملابس

وسر في طريقك بأكمل ثقه

وإذا رايت فقيراً جالساً

لاتبصق عليه ولا تنظر اليه

فهو اقل من ذلك!

بل اكمل حتى تصل باباً

قد كتب عليه(القرن الواحد والثلاثين)

توجه اليه

ولا تدخل بقدمك اليمين

عله يرضى عنك التنين!!!!؟؟؟؟
اظنك فهمت!!!

أحبك يبه

فقط صفحه لأبي

شفت كيف يبه
كل شي ودي فيه ماتحقق
وانت اول احلامي

كان ودي تكون يدي بيدكـ
واتحسس حنانك فيها
وبعد كان ودي بيدك اهي الي مسكت يدي
تمسح بيها راسي الناعم
وبي بعد منك تاخذني بيدي وتنصحني وتسايرني

آآآآآه يابوي وتعرف بعد وشنو ودي
بوستك يبه اهي احلى عسل اتلقاه
وبعد بوسك تقول لي بصوتك العذب
وانا بعد ابي بوسه
وبوسك يبه بلهفة الاطفال

واذا انسكر قلبي ورحت للفراغ ابي اصيح
اشوف ظلك قدامي واحضنك بقوة مافيني
واذا إيديك جات خدي تشيل اهمومي بأكفوفك
آآآآآه على يدك يبه.. كيف هي رقيقه وحنونه

وقبل ترحل وقبل اتودع امي
وتودع اخواني واخوتي
وتوصي امي علينا وتبوسنا
اجي قبل ترحل واضمك حيل بأحضاني

وكان ودي وقت اكبر
واروح مثل الاطفال بالمدرسه
وافطر من يديك وارتوي
كان ودي بصبح يومك انا وياك مبتسمين
تسولف لي عن اشغالك
واسولف لك عن اهبالي
وتدرسني وتعاقبني
ووقت انجح انتظر هديتي منك

وبعطلت الصيف تاخذني وتمشيني
وتسفرني وتهنيني
وتفرحني وتمتعني
وماتحرمني من شوفتك ساآآآآعه

يبـــــه
يبــــه
يبــــه
تدري اني مادريت اني فقدتك
وانك انت روحي
وانت عمري
خلوني قلب مجروح
وصرت بين البنات الي ماتعرف ابوها
يبه
حتى لو ماشفتك بحياتي مره
فأنت فخري في كل مره

أحبك يبه..
واحب اسمك
واحب رسمك
واحب خلقك واخلاقك
واحب كل حرف ينذكر عنك
وكلما تذكرت اني ماشفتك
تنزل ادموعي وتقول اسمك

يبـــــــه احبك

رجاء خاص :.
لا تخطوا عبارات التعازي والترحّم .. دعوها في سركم ..

وأسعدوني بردودكم

..

أنا من.؟!

أنا ليست سوى....أنثى من إناث حواء
لي اسلوبي وتعاملي الخاص بشخصيتي

بطاقتي...
أسمي....سوسوه مجنونة الموت
عمري...9/2/1411هـ
المستوى الدراسي...خرجت ثالث ثانوي"أدبي"1429هـ
ترتيبي بين اخوتي...آخر وحده بين اخواني وخواتي
................
أطباعي...
احب التعرف على الجميع
هادئه امام الناس
محبوبه لدى الجميع الصغار والكبار
عنيده ومحد يقدر عليّ
..............
من مهني...
الفوتوشوب
سوش ماكس"يعادل الفلاش"
تصميم مجسمات
الكتابه"الخواطر"
القراءه"القصص...كتب دينيه..روايات..مواضيع مميزه في المنتديات"
الدراسه"بس مو حاصله لي"
اتعلم اشياء جديده....
كل شي عندي يصير مهنه..يعني احب اسوي كل شي
.....................